नेपाल सुपर लिग : इलाम र पोखराबीच खेल हुँदै

काठमाडौं । नेपाल सुपर लिग (एनएसएल) फुटबलको दोस्रो संस्करण अन्तर्गत आज स्पोर्टिङ इलाम एफसी र पोखरा थन्डर्सबीच खेल हुँदै छ । खेल त्रिपुरेश्वरस्थित दशरथ रंगशालामा साँझ ५ बजेबाट सुरु हुने छ ।

जारी लिगमा ३ खेलबाट अपराजित रहँदै पोखरा ५ अंकका साथ तालिकाको चौथो स्थानमा छ । यस्तै ३ अंक रहेको इलाम छैटौं स्थानमा छ ।

यसअघिको खेलमा पोखराले ललितपुर र झापासँग बराबरी खेलेको थियो भने चितवनलाई हराएको थियो । यस्तै, इलामले काठमाडौं र बुटवलसँग हार बेहोरेको थियो भने झापालाई पराजित गरेको थियो ।

प्रतियोगिताको यस सिजन काठमाडौं रेजर्स, धनगढी एफसी, एफसी बुटवल लुम्बिनी, स्पोर्टिङ इलाम डे मेची एफसी, चितवन एफसी, झापा एफसी, वीरगन्ज एफसी, ललितपुर सिटी एफसी, बुटवल लुम्बिनी र पोखरा थन्डर्स सहभागी छन् ।