नेपाल सुपर लिग : पोखरा एनएसएलको प्लेअफमा

काठमाडाैं । नेपाल सुपर लिग (एनएसएल) फुटबलमा बुटवल लुम्बिनी एफसीमाथि १-० को जितसँगै पोखरा थन्डर्स प्ले अफमा पुगेको छ ।

त्रिपुरेश्वरस्थित दशरथ रंगशालामा आज भएको खेलमा बुटवल लुम्बिनी एफसीलाई १–० गोल अन्तरले पराजित गर्दै पोखराले शीर्ष स्थानमा रहँदै प्लेअफमा स्थान पक्का गर्न सफल भयो ।

पोखरा १४ अंकसहित शीर्ष स्थानमा रहँदा धनगढी १२ अंकका साथ दोस्रो स्थानमा छ । अन्तिम खेलमा पोखराले अब धनगढीसँग खेल्ने छ । उक्त खेलमा पोखरा पराजित हुँदा पनि प्लेअफ पुग्ने छ ।

निर्धारित ९० मिनेट भित्र कुनै गोल नभएपछि ५ मिनेट थपिएको अतिरिक्त समयको पहिलो मिनेटमा पोखराले गोल गरेको थियो ।